Eirado

Nova web de Eirado: em obras!

cooperativaeirado — Thu, 08 Jan 2009 16:36:27 +0000

A cooperativa Eirado tem o prazer de anunciar que derom começo os trabalhos para a construçom da nova página web:

Como poderedes observar estamos em obras!! Pouco a pouco iremos enchendo os ocos e este blogue ficará integrado nessa página. Mas… a modinho! Qualquer achega/sugestom/conselho serám agradecidas, assim como devemos agradecer o esforço de um dos sócios da cooperativa, Dani, que é quem está a investir a maior parte do tempo e do trabalho necessários para a criaçom do nosso novo espaço cooperativo.

Obradoiro de Toni Lodeiro organizado por Eirado e Verdegaia

cooperativaeirado — Wed, 17 Dec 2008 17:35:20 +0000

Eirado e Verdegaia-Compostela coorganizam umha charla-obradoiro dinamizado por Toni Lodeiro sobre consumo consciente e responsável este próximo dia 23 de Dezembro às 19:30 horas na Galeria Sargadelos (Rua Nova) de Santiago de Compostela.

Antes poderemos falar com el o dia 22 em Lugo (n’A Cova da Terra, a quem enviamos um grande abraço desde aqui polos seus 13 anos) e depois encontramo-lo na Corunha o dia 24 (A treu!).

Visitade o seu mui recomendável blogue consumir menos, vivir mejor e saberedes mais sobre as suas próximas actividades. Ali tamém poderedes encontrar informaçom que actualiza e comple(men)ta o livro.

“Consumir menos, vivir mejor. Ideas prácticas para un consumo más consciente” está disponível em papel (editado por Txalaparta) e para descarga gratuita em PDF (desde a sua web e proximamente desde aqui).

Charla anticonsumismo de Natal

cooperativaeirado — Tue, 16 Dec 2008 17:40:03 +0000

Charla-coloquio Unha experiencia socioeducativa en São Tomé e Príncipe

cooperativaeirado — Tue, 16 Dec 2008 07:37:06 +0000

charla – coloquio

NATCULTURA

UNHA EXPERIENCIA SOCIOEDUCATIVA EN SÃO TOMÉ E PRÍNCIPE

“Unha escola rural aberta á comunidade e adaptada á realidade local, que pretende promover a creación do auto-emprego e dar oportunidades de formación aos máis novos”

que impartirá Nora Rizzo, arquitecta, vicepresidenta de Natcultura e coordenadora da Roça de Diogo Vaz

e que terá luar o vindeiro xoves, 18 de decembro, ás 19:30 horas, na Biblioteca pública de Santiago Anxel Casal (Avda. Xoan XXIII, s/n)

As empresas ameazan aos concellos con seguir cultivando transxénicos

cooperativaeirado — Fri, 12 Dec 2008 08:10:44 +0000

Tres das localidades implicadas declaráronse zona libre destas plantacións,pero o Estado avísalles de que esta medida é “ilegal”.

Pouco importan as queixas dos concellos. As multinacionais biotecnolóxicas encargadas dos ensaios con millo modificado xeneticamente en Galicia non cambiarán os seus plans nos municipios nos que levan a cabo os seus experimentos, malia que algúns deles se declararon nos últimos meses Zonas Libres de Transxénicos (ZLT).

Pioneer e Monsanto, as dúas empresas que cultivan maínzo trans-xénico en nove concellos galegos, advirten de que é “ilegal” declararse libre destas plantacións e ameazan con continuar cos seus proxectos cando lles pete, xa que as autoridades locais “non teñen competencia neste asunto”. As multinacionais lembran que “en todo o Estado” é o Ministerio de Medio Ambiente e Medio Rural e Mariño “o que autoriza os ensaios” e a lexislación da Unión Europea “a que define o seu marco legal”. Nin a Xunta nin os concellos teñen competencias.

Ver toda a nova

20-12-08:’Conciencia ecolóxica’ em Salceda de Caselas

cooperativaeirado — Thu, 11 Dec 2008 18:14:18 +0000

O sábado dia 20 de Dezembro em Salceda de Caselas celebram-se umhas jornadas de consumo responsável a partir das 11 horas da manhã. Parecem cousa boa!

Como consumirmos de forma responsábel

cooperativaeirado — Thu, 11 Dec 2008 18:05:23 +0000

A Nosa Terra publicou a semana passada um interessante vídeo sobre consumo responsável. Poderedes observar que Eirado está bem representado!

http://www.anosaterra.org/nova/como-consumirmos-de-forma-responsabel-.html

ECOFESTA en Vilaboa

cooperativaeirado — Wed, 10 Dec 2008 08:41:52 +0000

O próximo sábado 13 de decembro, o Núcleo de Sostibilidade Integrado – Proder II Comarca de Pontevedra, organiza unha xornada lúdico-festiva no Pabillón de Deportes de Vilaboa (Toural).

Entre outras cousas haberá unha mostra divulgativa sobre consumo e medio ambiente, venta de produtos ecolóxicos e de comercio xusto, obradoiros variados,…

Foro Social Galego

cooperativaeirado — Tue, 02 Dec 2008 10:15:19 +0000

Os dias 5,6 e 7 de Dezembro celebra-se o interessantíssimo Foro Social Galego em Santiago de Compostela! A cooperativa Eirado está representada a través da Rede Galega de Consumo Consciente e Responsábel. Falará Manolo Garrido (socio de Árbore-Vigo) em representaçom de toda a Rede na charla “CONSUMO RESPONSÁBEL: CONSTRUÍNDO ALTERNATIVAS DESDE GALIZA” o sábado às 16:30 horas na Aula 7 da Faculdade de Filologia, acompanhará a: Xan Duro (Verdegaia), Xosé María García Villaverde (VSF), Nanda Couñago (Amarante) e Miguel Quinteiro Nuñez (Grupo promotor do proxecto de banca etica de Gz).

Consultade bem a programaçom, hai muuitas cousas interessantes!

Charlas com Eric Hotlz

cooperativaeirado — Sat, 22 Nov 2008 13:30:03 +0000