A história das cousas Novembro 22, 2008
Para quem nom o conheça, apresentamos-vos um vídeo mui interessante e pedagógico, ainda que centrado nos Estados Unidos a maior parte do que se conta é válido para nós: The Story of Stuff [legendado em espanhol] dividido em três partes:
1ª Parte 2ª Parte 3ª Parte
Xornadas de Consumo Consciente n’A Coruña Novembro 18, 2008
O grupo de consumo consciente Zocamiñoca da Coruña organiza as I Xornadas de Consumo Consciente. Tal e como el@s contam: “Levamos un tempo intentando impulsar unha iniciativa deste tipo na cidade herculina e agora organizamos unhas xornadas que terán lugar no Kiosko Alfonso os días 26, 28 e 29 de novembro. Nestas xornadas pretendemos presentarnos ante a sociedade e iniciar o proceso de constitución dunha cooperativa que teña como pilares o consumo responsábel e consciente. Para asistir non é necesaria preinscripción
Durante eses días estará con nós Eric Holtz, gran coñecedor do sistema mundial de produción de alimentos, proxectaremos unhas curtas e falaremos de cooperativismo e as súas posibilidades para conseguir unha alternativa de consumo que ligue o máis directamente posíbel as consumidoras coas produtoras, fomente a economía local e de cercanía, a xustiza social, a soberanía alimentaria, o eco-lóxico, etc.”
Eirado nas ‘Xornadas de promoción do cooperativismo’ da Xoaninha Novembro 15, 2008
A Xoaninha organiza os dias 19, 20 e 21 de Novembro no Ferrol umhas jornadas tituladas “Economía social, alternativa ao capitalismo”. Eirado participará o dia 20 às 19:00 horas conjuntamente com Árbore. Falaremos sobre “Experiencias galegas no cooperativismo de consumo”. Este é o programa:
Xornadas Promoción do Cooperativismo
ECONOMÍA SOCIAL, ALTERNATIVA AO CAPITALISMO
Lugar: Ateneo Ferrolán, Rúa Magdalena 202-204. – HORA: 19:00H -
EMPREGO EN TEMPOS DE CRISE
Mércores 19
Participan: UGACOTA (Unión Galega de Cooperativas de Traballo Asociado) BRIANTE, Asociación para a Economía Social (Narón)
Fórmulas cooperativas para todo tipo de proxectos
EXPERIENCIAS GALEGAS NO COOPERATIVISMO DE CONSUMO
Xoves 20
Participan: ÁRBORE, Cooperativa de Consumo Consciente (Vigo) EIRADO, Cooperativa de Consumidores Responsables (Compostela)
Presentación das iniciativas e da Rede Galega de Consumo Responsable
CONSUMO RESPONSABLE EN FERROLTERRA
Venres 21
Participan: A XOANIÑA, Cooperativa de Consumo Responsable (Ferrol)
Presente e futuro da Xoaniña, debate e presentación de proxectos 
SOPA DE CASTAÑAS Novembro 13, 2008
Ingredientes:
- 1 kilo de castañas frescas
- 1 litro de caldo de ave
- 1/4 de nata líquida
- fiuncho fresco (hinojo), anís
Como facelo:
Facerlles unha raxa ás castañas e fervelas en auga con sal para logo pelalas. Despois de limpas, polas a cocer no caldo de ave xunto con dous plumeiros de fiuncho e unha cullerada de sementes de anís durante tempo suficiente a lume medio para que queden moi brandas, mínimo unha ou dúas horas.
Escoller as castañas máis grandes para adornar, retirar o fiuncho e as sementes de anís que se vexan, engadir a nata e pasar a sopa pola batidora. Se as castañas estaban ben frescas quedaranos unha crema suave e pouca espesa.
“Un prato que prestará calquer día de frío e que sentará ben a todos os bandullos”
Seminario de financiamento ético Novembro 10, 2008
Esta quarta-feira a Comisión de Comercio Xusto da Coordinadora Galega de ONGD convoca-nos para um seminário bem interessante: o Seminario de financiamento ético. Aqui tendes a informaçom básica:
Seminario de Financiamento Ético
Data: quarta-feira, 12 de Novembro de 2008
Lugar: Aula 1 do edifício Xoana Capdeville, Campus de Elviña (UDC, A Coruña)
- Localizaçom: http://www.udc.es/cufie/aula/localizacion.htm
Horario: de 10 a 20 horas
Inscriçom: gratuita. Ficha de inscriçom: http://www.galiciasolidaria.org/index.php?option=com_remository&Itemid=62&func=fileinfo&id=82
Inscriçom e mais informaçom: sensibilizacion@galiciasolidaria.org ou 981 58 51 89
Organiza: Comisión de Comercio Xusto da Coordinadora Galega de ONGD
Colaboram: Dirección Xeral de Cooperación Exterior. Xunta de Galicia e mais a Oficina de Cooperación e Voluntariado da UDC
“Este Seminario contará coa participación de representantes de AIS O Peto (Raúl Asegurado), Federación de Cooperativas Sinerxía (Ramón C. Rodríguez), Fiare Internacional (Peru Sasia) e a presenza de Arcadi Oliveres, presidente de Justicia i Pau.”
Eirado nas XVI Jornadas Libertárias da CNT Novembro 6, 2008
Boas! A próxima semana Eirado vai participar nas XVI Jornadas Libertárias que organiza a CNT. Será o dia 12 de Novembro, quarta-feira/mércores e terá por título: “Uma alternativa alimentária responsável : as cooperativas de consumo por Cooperativa Eirado”. Vemo-nos ali!!
Xornadas sobre redución da FEG Novembro 3, 2008
A Federación Ecoloxista Galega organiza este fin de semana unhas xornadas moi interesantes sobre redución. Coas súas palabras:
‘Con estas Xornadas queremos debater e falar encol da Redución, o primeiro dos 3 R, e que, aínda que aparece en todas as leis e plans de xestión de residuos, remata por ser a esquecida.
Contaremos con poñencias mais teóricas, onde falaremos sobre a ética da redución, o efecto da publicidade sobre o consumismo e a xeración de residuos, o traballo que se ten feito (ou non) sobre redución desde a educación ambiental, aspectos económicos…
Completaremos este apartado cunhas comunicacións sobre experiencias ou iniciativas na redución, nas que participará unha representante da Fundació Catalana per a la Prevenció dels Residus i el Consum e tamén representantes de diversos colectivos e administracións de Galiza. Fica pendente a confirmación dalgún colectivo de Portugal.(…)
Para inscribirse abonda con enviar un correo electrónico a: feg@federacionecoloxista.org facendo constar os datos personais e un número de contacto.
Hai unha cuota de inscripción de 5€ para socias/os das grupos da feg, e de 10€ para os resto de asistentes, a ingresar na conta da feg (caixa nova) 2080 0492 69 0040104336 ate o día de inicio das xornadas. Importante. ao facer o ingreso fai constar o teu nome e o concepto “Xornadas de redución”‘
Animádevos!
II Xornadas da Reserva da Biosfera “Área de Allariz” | Festa do Outono Novembro 2, 2008
Os días 7, 8 e 9 celébranse en Allariz as II Xornadas da Reserva da Biosfera “Área de Allariz”.
Premede aquí para consultar o programa.
Na mesma fin de semana tamén hai unha feira de Outono organizada polo Concello de Allariz coa colaboración da Asociación de Comerciantes de Allariz, que ten como obxectivos a Promoción, Potenciación e Valorización dos produtos agrarios do outono, tanto locais como comarcais: cogumelos, mel, castañas, noces, embutidos e pan artesanal, así como os seus derivados. Premede aquí para obter máis información.
Taller GERMINAL en Pontevedra Outubro 23, 2008
QUE É? Ao abeiro do Programa “Cooperativismo de Consumo Consciente na Comarca de Pontevedra” organizado polo Concello de Pontevedra, o próximo 24 de Outubro a partir das 17 horas, celebrarase un taller coa cooperativa catalana de consumo de produtos ecobiolóxicos Germinal, co fin de coñecer a súa experiencia e tirar información que poida ser de utilidade para o proxecto de cooperativa deste tipo que se pretende crear na comarca de Pontevedra.
QUEN PODE VIR? A esta sesión están convocadas as persoas do grupo promotor do proxecto cooperativo da comarca de Pontevedra, sen prexuízo de que poidan asistir novos colectivos e persoas interesadas en tomar parte nesta iniciativa. Pretendese que neste taller as persoas asistentes participen de forma activa, co fin de fomentar o coñecemento mútuo e o dinamismo no desenvolvemento da actividade.
INFÓRMATE Para máis información sobre o Programa as persoas e colectivos interesados poderán contactar coa ADR PRODER II da Comarca de Pontevedra no teléfono 986 108 144 e na Federación de Cooperativas SINERXIA no teléfono 986 896 526.
